Þjónusta okkar

Einstaklingsreiðtímar, hestakennsla og meðferðarpakkar

Við hjá KP hestum hjálpum þér að auka jafnvægi, styrk og liðleika hestsins þíns. Í hestakennslu okkar og einstaklingsreiðtímum einblínum við á veikleika og óþægindi hjá hestinum þínum með það að markmiði að auka vellíðan hans.

Við leggjum áherslu á að kenna þér og hestinum þínum æfingar við hæfi sem þið getið síðan notað til að auka styrk, öryggi og hæfni með tímanum.

Við notum þjálfunaræfingar fyrir knapa og hest með sjúkraþjálfunar- og skekkjulækningaaðferðum og -meðferðum sem draga úr sársauka hestsins, auka hreyfigetu hans og koma vöðvastjórn hans í venjulegt horf til að bæta hreyfingar hans og heildarliðleika.

Hestasjúkraþjálfunarmeðferðir okkar eru m.a. nudd, teygjur og vöðvavirkjun til að auka liðleika hestsins og draga úr líkamsspennu hans. Með skekkjulækningameðferðum eins og t.d. mjúkvefjavirkjun (e. soft tissue mobilization, STM), höfuðbeina- og spjaldhryggjarmeðferð (e. craniosacral therapy, CST) og innri líffæralosun (e. visceral manipulation, VM) greinum við og meðhöndlum hreyfiskerðingar og ójafnvægi hjá hestinum þínum.

Við leggjum einnig áherslu á að greina snemma hreyfiskerðingar sem geta verið merki um stífleika, vöðvaójafnvægi eða önnur stoðkerfisvandamál. Það er mikilvægt svo hægt sé að sporna gegn því að sársauki og getuskerðing komi fram eða versni.

Vinnu okkar er ekki lokið þegar tíma okkar með þér og hestinum þínum lýkur. Saman gerum við einstaklingsmiðaða æfingaráætlun svo þú getir haldið áfram að stunda sértækar og einstaklingsmiðaðar æfingar með hestinum þínum. Við verðum þér síðan auðvitað innan handar ef þú þarft stuðning eða hjálp. Hesturinn þinn á skilið að verða þér áreiðanlegur og heilbrigður reiðfélagi til frambúðar.

Saman. Fyrir hestinn þinn.